ខឹងឪពុកម្តាយហាមមិនឲ្យដើរលេងក្នុងថ្ងៃទិវានៃក្តីស្រឡាញ់ចង-កធ្វើអត្តឃាត
15-February-2016 | ដោយ មែន កំសត់
កោះកុង៖ យុវជនម្នាក់ជានិស្សិតពេទ្យឆ្នាំទី៣ បានសម្រេចចិត្តចង-ក ធ្វើអត្តឃាត នៅចន្លោះម៉ោង១១ដល់១២យប់ ថ្ងៃទី១៤ ខែកុម្ភៈ ឆ្នាំ២០១៦ ស្ថិតនៅក្នុងរោងចាំដី១កន្លែង ក្នុងភូមិ១សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។
យុវជនដែលចង-កធ្វើអត្តឃាតនេះ មានឈ្មោះ ប្រាក់ ស៊ីធួន ភេទប្រុសអាយុ២១ឆ្នាំ មានទីលំនៅកន្លែងកើតហេតុខាងលើ។
តាមសម្តីម្តាយបង្កើតរបស់ជនរងគ្រោះបាននិយាយ នៅកន្លែងកើតហេតុថា កាលពីព្រលប់គាត់ហាមមិនកូនដើរលេង ព្រោះខ្លាចមានបញ្ហាផ្សេងៗកើតឡើង ព្រោះថ្ងៃទី១៤ ជាថ្ងៃនៃសេចក្តីស្រលាញ់ រហូតដល់ម៉ោងជាង១១យប់ កូនគាត់បានចេញពីផ្ទះគាត់ក៏បានតាមរក តែក៏បានឃើញកូនគាត់ បានចង-កសម្លាប់ខ្លួនបាត់ទៅហើយ។
សមត្ថកិច្ច និងក្រុមគ្រូពេទ្យបានចុះធ្វើ កោសលវិច្ច័យទៅសាកសព បានបញ្ជាក់ថា យុវជនឈ្មោះ ប្រាក់ ស៊ីធួន ពិតជាចងករធ្វើអត្តឃាត ពិតប្រាកដមែន ដោយមិនមានពាក់ព័ន្ធ និងករណីផ្សេងឡើយ ក្រោយពីធ្វើពិនិត្យទៅលើសាកសពរួច សមត្ថកិច្ចបានប្រគល់សាកសព ទៅឪពុកម្តាយយកទៅធ្វើបុណ្យទៅតាមប្រពៃណី៕
ចំនួនអ្នកទស្សនា
- ថ្ងៃនេះ11171
- ម្សិលមិញ15191
- សប្តាហ៍នេះ54321
- ខែនេះ76201
- ឆ្នាំនេះ76201
- សរុប20518657